بیزیم قیزلار...
باخاجاقسام جامدان
انومده داغلار اولسون ایستمیشم
زیروه سینده خیردا بولوتلار
قیپ قیمیزی قیزاران داغلار
یاشاماق ایستمیشم ...
چاپاجاغیم آتلار یای گزیرلر
سوه جییم قیزلار بئشیکلرینی بزییرلر هله!
اکجییم زمیلر
دونیا خریطه سی جن اولمالی!
چکیب ایکی یاخاشینی بیر یئره دونیانین
یاغلاماق ایستمیشم دوغرولوق لا ...
داغلاری سئومیشم
و اوبالاریمیز دوشه لی
اوجاقلاریمیز ایستی اولسون دئیه
چیرپینان قادینلاریمیزی...
آنامی سئودگیم کیمین سئومیشم
بولاغ اوستو ماهنیلارین بزین
قیزلارینی بو داغلارین
قاشلاریندان گلیرم بیر قیزین
قیزل انلی بیلرزیک لریندن گلیرم
داغلاری سئویرم
قوزولاری هئی لیین اون دورت یاشیندا بیر قیزی سئومک ایستمیشم
ایللر اؤنجه
قارانلیغ چوکدویونده دره یه
قارشیمدا دوروشونو خاطیرلاییرام
دیلینده گزن تبریزین کوچلرینده گئتمیشدیم
الیمده کی برنو دا آلتی قورشون اولدوغونو خاطیرلادیغیم قدر
دیزلریمین اسدیگینی ده خاطیرلاییرام
قوشدوغوندا سورویله کنده دوغرو
دورب ائله جه باخمیشدیم...
داها منیمسدیمیشدیم
یئلی ...
داغی...
یاماجلاری
و بیر آندا داها پارلاق گلمیشدی منه اولدوزلار...
ایچیم گئدیر باخدیغیمدا سیزه
چیینلرینده بووغچالارلا
قوللاریندا قالین قیزیل بلرزیک لره
بولاق دئیه آخان قیزلار
بیزیم قیزلار
اوچ بئش تئل ساری توی
اینجه ایپک چارقاددان سالخیملانیب آخدیغیندا
باخارسان
بئللری بئله باشقا اولار بیزیم قیزلارین
یاخالاری گول قوخار
قایماق آلیر کیمی سوتدن
اوپوش آلمالی یاناقلاریندان
سیجاغینا سوزملی
قوجاغلاریندان
سوت امیر کیمی یاشاماق امملی دوداغلاریندان
کی قونوشونجا
دیللری بئله باشقا اولار بیزیم قیزلارین
ایچیم گئدیر باخدیغیمدا سیزه!
باخاجاقسام جامدان
اونمده داغلار اولسون ایستمیشم
داغلاردا سورویله آبلاق آتلار
ایلیشیب بیر قایا گؤده سینده
آیرانیما چؤرک دوغراماق ایستمیشم
بیر قیزین قیزیل انلی بیلرزیکلریندن
آخان سوته باخاراق آیاغلاریمی چیمدیکلین بیر گئچی
و سوتون ساخسی کاسایا آخان سسینی
دوشونمک ایستمیشم
جامدان باخاندا
قیپ قیمیزی قیزاران بو داغلارا...
تانریم
سئومم اوچون داها بیر قیز وارسا
یئر کوره سی زیندان اولسون نه وار
بیر قادین یاشاییرسا
بیر دونیا یاشاییر دئمک دیر!
کی ییغاندا ایکی یاخاشین بیر یئره دونیانین
اللری بئله باشقا اولار بیزیم قیزلارین...
